එයාර් ඉන්දියා ගුවන් යානයක පියාපත්වල පිදුරු සිරවී තිබීම හේතුවෙන් පැය පහකට වැඩි කාලයක් ගුවන් ගමන ප්‍රමාද වූ බවට තොරතුරු වාර්තා වෙනවා.

“2025 ජුනි 25 වන දින මුම්බායි සිට බැංකොක් දක්වා ක්‍රියාත්මක වීමට නියමිතව තිබූ AI2354 ගුවන් යානය, මෙහෙයුම් ගුවන් යානයේ වම් තටුවට පහළින් පිදුරු සිරවී තිබීම නිසා එය අත්හිටුවන ලදී,” යනුවෙන් එයාර් ඉන්දියා සිකුරාදා නිවේදනයක් නිකුත් කරමින් පවසා සිටියා.

මුම්බායි ගුවන් තොටුපළේ ගුවන් යානය හසුරුවන සේවා සපයන්නාට මේ සම්බන්ධයෙන් විමර්ශනය කරන ලෙස උපදෙස් දී ඇති අතර, එය ආරක්ෂක නියාමකයාට නිසි ලෙස වාර්තා කර ඇති බවයි එම නිවේදනයේ සදහන් වෙන්නේ.

ගුවන් ගමන් නිරීක්ෂණ වෙබ් අඩවියක් සඳහන්කර සිටියේ, එයාර් A320Neo ගුවන් යානයක් මගින් ක්‍රියාත්මක වන AI 2354 ගුවන් යානය මුම්බායි සිට පෙ.ව. 7.45 ට පිටත් වීමට නියමිතව තිබුණු බවත්කෙසේ වෙතත්, එය පැය පහකට වැඩි ප්‍රමාදයකින් පසු – දහවල් 1 ට පමණ පිටත් වූ බවයි.